馬祖無限時台灣養生涮涮鍋

營業中

休息中

唔限時係賣點，食物種類都幾多。一定要叫嘅黃金番薯條，有四種味粉shake shake，好香口好甜番薯味，作為前菜勁正～一個比較中路價錢嘅美國安格斯牛肉、豚肉片任吃嘅餐都算豐富～牛肉同豚肉質素唔錯，肥瘦適中，手機落完order亦好快到。醬料同飲品係自取，飲品款式好多，亦有好多自家製嘅飲品，例如菊花冷泡烏龍茶同黑糖冬瓜茶都好好飲，唔太甜，清清地，飲完喉嚨好舒服。佢地鴛鴦鍋（爆漿熔岩芫荽湯、麻辣蕃茄雞肉涮涮鍋）加錢係值得，因為湯底同料真係好足，貪心想試哂一定係鴛鴦鍋。我揀呢兩個湯底超好食，打邊爐到尾都仲好濃湯底味。蔬菜款式多又新鮮，我覺得值得叫多轉菜心苗，因為火鍋少有同呢度個菜心苗幾嫩。我個餐仲有多款海鮮揀，食左脆鯇魚片、脆骨腩、生猛海蝦、是日精選海鮮（蛤蜊、蟶子），新鮮爽口無腥味，精選海鮮又係任食少有嘅item，值得叫多轉。好欣賞佢地自家製手工餃，有白菜豬肉餃、手工梅菜豬肉丸、鯪魚丸、牛肉丸、黑松露墨魚丸等等。個人覺得韮菜餃真心好食，好香韮菜味，肉餡又入味；自家製丸類都好細粒，所以我好開心咁食哂咁多款，款款都彈牙，encore左鯪魚丸同墨魚丸，味道最濃郁。每人仲送一杯雪糕，可以揀Movin