影片
更多
2022-05-13
55 瀏覽
近排喺旺角返工，知道有間好好食嘅火鍋放題，一定要喺度推介一下，價錢又低，食物質素又好。有好嘢一定要分享。肉浦團火鍋放題專門店，地址係旺角戲院附近。呢度個午市套餐非常抵食，幾十蚊60分鐘任飲任食，性價比好高，而且非常整潔，火鍋配料好多選擇，全部都係任食。最啱就係食得之人。飲品方面全部都係自助形式，有10幾種選擇，餐廳都非常細心，旁邊有啲唔凍嘅飲品可供選擇，呢度嘅烏冬同埋辛辣麵都係任食，好少喺火鍋放題見到有辛辣麵食，真係正。安格斯牛頸脊，牛肉色澤非常新鮮，而且脂肪分布均勻，入口有好香嘅牛肉味，加上少少牛肉脂肪，令到牛肉味更加香濃，肉質方面牛肉非常嫩滑，自己比較鍾意食牛，一個人最少食佢10碟。澳洲M5和牛 牛肉比較嫩滑，牛肉香味比牛頸脊更加重，基本上去火鍋放題好少食到咁高質素嘅牛肉，真係好好食。越南虎蝦，蝦嘅size都好大，而且蝦肉非常爽口彈牙，食得出係好新鮮，淨係食蝦都值回票價。北吉廣島蠔 ，好鮮甜美味，而且仲係好大隻，每一隻蠔都食到新鮮嘅味道，仲要係爽口 ，真係冇得頂呀。出面嘅配料有幾十種，蔬菜全部都係好翠綠，好耐未試過咁滿足，喺旺角可以搵到一間性價比高，食物質素又好嘅火鍋放題。好值得推
肉浦團火鍋放題專門店，地址係旺角戲院附近。
呢度個午市套餐非常抵食，幾十蚊60分鐘任飲任食，性價比好高，而且非常整潔，火鍋配料好多選擇，全部都係任食。最啱就係食得之人。
飲品方面全部都係自助形式，有10幾種選擇，餐廳都非常細心，旁邊有啲唔凍嘅飲品可供選擇，呢度嘅烏冬同埋辛辣麵都係任食，好少喺火鍋放題見到有辛辣麵食，真係正。
安格斯牛頸脊，牛肉色澤非常新鮮，而且脂肪分布均勻，入口有好香嘅牛肉味，加上少少牛肉脂肪，令到牛肉味更加香濃，肉質方面牛肉非常嫩滑，自己比較鍾意食牛，一個人最少食佢10碟。
澳洲M5和牛 牛肉比較嫩滑，牛肉香味比牛頸脊更加重，基本上去火鍋放題好少食到咁高質素嘅牛肉，真係好好食。
越南虎蝦，蝦嘅size都好大，而且蝦肉非常爽口彈牙，食得出係好新鮮，淨係食蝦都值回票價。
北吉廣島蠔 ，好鮮甜美味，而且仲係好大隻，每一隻蠔都食到新鮮嘅味道，仲要係爽口 ，真係冇得頂呀。
出面嘅配料有幾十種，蔬菜全部都係好翠綠，好耐未試過咁滿足，喺旺角可以搵到一間性價比高，食物質素又好嘅火鍋放題。好值得推介，一定會經常嚟食。
張貼
