利寶閣 (已結業)

家中老爸老媽好鐘意週末就去上環無限極間利寶閣飲茶～佢話酒樓姐姐同佢地介紹原來夜晚有個有個 2 小時任食放題，今個星期六就走去同佢地去試！價錢：星期六$298一位，另加茶水同加一服務費～我地好早就到左 仲未見好多人，姐姐好快就比左張點心紙我地睇睇～先黎每位有三樣小食: 花膠響螺雞湯—好足料 湯味道濃郁原隻鮑魚花菇—-鮑魚炆得腍身 一隻花菇都好腍身。時令奄仔蟹—可以揀清蒸，雞油花雕蒸同油鹽焗。我地一行四人 兩個揀花雕蒸，兩個揀油鹽焗。上到黎突然後悔無揀雞油花雕蒸！賣相好靚 蟹底係有一底蒸蛋 蒸蛋吸晒花雕酒香 超好味！ 而且蟹肉新鮮都香甜～之後就再睇睇任食點心紙有咩可以揀喇～佢地用煎/炒/煮/炒/炆/浸/烤/焗同甜品做分類，計計堆堆一共有超過40款食物叫～上環呢間分店特別推薦:西班牙黑毛豬叉燒 咁就率先會一會佢 炭烤味香 比較偏瘦 油香味無咩 但鐘意健康啲既就啱晒 跟住第二round 就叫左好多煎野同炸嘢我同呀妹兩個最鍾意食 金菇牛柳卷個汁超好味煎釀尖椒 好夾 芝士年糕 熱辣辣正沙律海鮮卷 呢個好大條 芝士白花球 好彈牙 炸得超香超熱氣 實在頂唔順 要食番啲小菜中和一下先得！先黎啲中式小食～