Hungry Monkey (海之戀商場) (已結業)

行完donki 去商場附近搵食，上次記得頂樓間鐵板燒挺不錯，一於上去吃個晚飯。記得之前吃過價錢都不太便宜，但原來而家餐廳有鐵板燒set ，價錢百零蚊就有交易，真的超抵。青蘋果乳酸梳打淡淡蘋果香的梳打，賣相已經好吸引，入口甜甜地又有氣，邊飲邊食的確不錯！套餐有野菜沙律，味噌湯，胡麻豆腐，份量雖然小巧，但都非常新鮮。熟帶子串外表輕輕煎過，入口鮮甜多汁，肉質鮮嫩。炒雜菜有淡淡牛油香氣，味道清新。香蔥牛肉薄燒薄薄的牛肉片吸滿鮮甜的日式醬汁，牛肉超滑嫩的口感加上包住大量香蔥，口感豐富，肉汁飽滿，配搭上鐵板炒飯，真的絕配。芝士蟹柳蛋捲口感有點似pancake 皮的蛋皮包住芝士蟹柳，表面再放上半片芝士，食落軟綿滑溜，蛋香味俱全。炸芝士年糕（2粒）年糕煙韌甘香，中間芝士濃郁，啖啖香軟拉絲，真的芝味無窮。