影片
更多
2012-06-15
9 瀏覽
難得今日收早 男朋友話帶我去左一間新開既餐廳 - One Stop當我地入到去，原來佢已經一早訂左位 (如果想訂位就要早一個星期，因為booking都幾full下..)waiter哥哥帶我地坐低，奉上餐牌同水，仲推介左兩個頭盤俾我地: 先講鵝肝，佢比街外一般食到既大件，再配以紅酒煮過既布LUM，驚喜！兩樣食材一次過放入口中，產生左一種神奇既化學作用紅酒布LUM既酸酸甜甜，化解左鵝肝本身既油膩感，又能帶出其獨特既味道，絕配！至於生牛肉，牛柳被切成一小塊既薄片，加上巴馬臣芝士碎片及黑松露欖油。牛肉入口感覺好嫩滑，當你呼吸既時候，黑松露欖油既作用就發揮，即時令牛肉既味道提昇好幾個級數，值得推介*****食完兩個頭盤，我地點左兩款餐湯: 法式洋蔥湯 / 雜菌忌廉湯由於我同男朋友都好喜歡食海鮮，專登叫廚房另加海鮮 (原來本身無跟架!)洋蔥湯外表平平，但當入口時，洋蔥既香氣直攻上腦袋，令人精神為之一振!到男朋友既雜菌湯啦，由於佢平時都對雜菌忌廉湯素有研究，佢好奇問waiter湯中有邊幾種菌類，原來湯加入超過五種既高級菌類，如牛肝菌，羊肚菌，蟹味菇，入口白菌，黑松露等等，精製而成，比起街外食到既雜菌
當我地入到去，原來佢已經一早訂左位 (如果想訂位就要早一個星期，因為booking都幾full下..)
waiter哥哥帶我地坐低，奉上餐牌同水，仲推介左兩個頭盤俾我地:
先講鵝肝，佢比街外一般食到既大件，再配以紅酒煮過既布LUM，驚喜！兩樣食材一次過放入口中，產生左一種神奇既化學作用
紅酒布LUM既酸酸甜甜，化解左鵝肝本身既油膩感，又能帶出其獨特既味道，絕配！
至於生牛肉，牛柳被切成一小塊既薄片，加上巴馬臣芝士碎片及黑松露欖油。牛肉入口感覺好嫩滑，當你呼吸既時候，黑松露欖油既作用就發揮，
即時令牛肉既味道提昇好幾個級數，值得推介*****
食完兩個頭盤，我地點左兩款餐湯: 法式洋蔥湯 / 雜菌忌廉湯
由於我同男朋友都好喜歡食海鮮，專登叫廚房另加海鮮 (原來本身無跟架!)
洋蔥湯外表平平，但當入口時，洋蔥既香氣直攻上腦袋，令人精神為之一振!
到男朋友既雜菌湯啦，由於佢平時都對雜菌忌廉湯素有研究，佢好奇問waiter湯中有邊幾種菌類，原來湯加入超過五種既高級菌類，
如牛肝菌，羊肚菌，蟹味菇，入口白菌，黑松露等等，精製而成，
比起街外食到既雜菌湯(一般由白菌和磨菇製成)，顯得更與別不同。
終於到重頭戲 - 主菜: M5肉眼扒
先講呢兩個主菜既配菜，係由茄醬加雜菜炒成既法式配菜 (行內人稱之為垃圾堆)感覺有少少似肉醬意粉上面既肉醬，係出面已經好少餐廳肯咁哂功夫係個配菜度。
講返正題，牛肉係M5肉眼扒，我地揀左五成熟，肉質十分鮮嫩！
識食既人就知肉眼最好食既係舊肥膏，佢做到入口即溶，
牛肉香濃既味道溶化係口中，停留一段時間，令人回味無窮！
另外，我揀左baby ribs，我認為其汁醬最為重要，最考廚房功夫！自家制既燒烤汁，食得出佢混以橙皮，令到豬肉更加軟更加淋，有心思。
但作為女仔既我就覺得份量比較大！如果我自己一個人食就真係食唔哂！
到左每餐對女仔黎講最期待既時間la！！！！甜品~~~~
我地叫左廚師推薦既: 木糠布丁 / 法式焦糖燉蛋
兩樣都可以普遍係其他地方食得到，但係e到就食到酒店既水準！
木糠布丁 我係出面食過好多次，今次只係第一次食到有加入香檳既忌廉
我諗呢個木糠布丁可能係全香港最好食既木糠布丁！
法式焦糖燉蛋: 我第一次食到咁得意既口感，係外面食到既多數只係食到好水既感覺....但係e到食既食有d彈性~ 仲有滑滑既蛋香！另外加入雲尼拿籽(黑色一點點果d就係)
令到燉蛋更香更好食！
總結今晚所食到既野！只可以用一句英文黎形容: I WILL BE BACK
張貼
