影片
更多
2022-01-19
15 瀏覽
喺網上見到foodie 介紹呢間新開嘅泰國餐廳，食物同環境都唔錯，所以就去試吓。電梯打開門就見到左右都擺咗唔少貨物，最吸引人嘅千秋打卡位都有雜物喺附近，令我唔想行入去影相。餐廳樓底比較矮，人一多就好嘈。有6個人一齊食lunch，分開咗3張枱坐，同事們好開心咁傾計，由於D聲困住曬，所以我哋可以好清楚知道佢地談話嘅內容😅枱面上朋友嘅墊枱紙奇怪地有一邊係對摺咗，而且只有餐叉，無餐匙。飲湯時，我哋要問待應攞返隻匙羹。其實餐廳食物質素優良，set lunch 有頭盤、湯、主菜、甜品同餐茶，價錢$108，仲要有8折，每人都只係$86.5，超級抵！！頭盤有泰式生蝦、青木瓜沙律同埋酸辣鳳爪，可惜上枱時冇生蝦，只有雙重份量嘅鳳爪。當我們問待應時，佢話因為生蝦唔新鮮，所以唔俾客人。湯係一碗賣相平平冇奇嘅冬瓜湯。一個碗入面有三粒冬瓜同清湯。意想不到嘅係一入口，原來清湯蘊含左豐富嘅鮮味！真係要講一句：「對不起，是我膚淺了！」完全被佢平凡嘅外表呃左。主菜我哋分別叫咗紅咖喱牛肋肉配泰式蒜蓉包同香葉肉碎煎蛋飯，兩碟都有外表易有內涵😂。紅咖喱味道香濃稠厚，牛肋肉煮得腍滑，份量頗多。可惜只配兩片蒜蓉包略嫌不足，好彩香葉
電梯打開門就見到左右都擺咗唔少貨物，最吸引人嘅千秋打卡位都有雜物喺附近，令我唔想行入去影相。餐廳樓底比較矮，人一多就好嘈。有6個人一齊食lunch，分開咗3張枱坐，同事們好開心咁傾計，由於D聲困住曬，所以我哋可以好清楚知道佢地談話嘅內容😅
枱面上朋友嘅墊枱紙奇怪地有一邊係對摺咗，而且只有餐叉，無餐匙。飲湯時，我哋要問待應攞返隻匙羹。
其實餐廳食物質素優良，set lunch 有頭盤、湯、主菜、甜品同餐茶，價錢$108，仲要有8折，每人都只係$86.5，超級抵！！
頭盤有泰式生蝦、青木瓜沙律同埋酸辣鳳爪，可惜上枱時冇生蝦，只有雙重份量嘅鳳爪。當我們問待應時，佢話因為生蝦唔新鮮，所以唔俾客人。
湯係一碗賣相平平冇奇嘅冬瓜湯。一個碗入面有三粒冬瓜同清湯。意想不到嘅係一入口，原來清湯蘊含左豐富嘅鮮味！真係要講一句：「對不起，是我膚淺了！」完全被佢平凡嘅外表呃左。
主菜我哋分別叫咗紅咖喱牛肋肉配泰式蒜蓉包同香葉肉碎煎蛋飯，兩碟都有外表易有內涵😂。紅咖喱味道香濃稠厚，牛肋肉煮得腍滑，份量頗多。可惜只配兩片蒜蓉包略嫌不足，好彩香葉肉碎煎蛋飯跟好多飯，可以撈埋啲咖喱汁😋香葉肉碎煎蛋飯味道不錯，煎蛋半生熟，如果香葉再多啲更好。
甜品係擁有平凡外表嘅椰汁西米糕，內涵同時有驚喜。西米程半透明，少少煙靭，椰汁味香，仲有啲粟米粒增加口感。甜品羮係用凍檸茶嗰個長匙羮，而且仲刻住另一間餐廳個名，有少少令人費解。
餐飲係泰式凍奶茶，味道地度，同泰式連鎖店差唔多🥤
食物總括嚟講係CP值超高，有水準！但係如果你係要求環境舒適，高級殷勤服務的話，Chang可能會對你嘅期望有落差。
張貼