I am.. bakery (已結業)

曾經何時，我每周兩次到寶琳都會黎幫襯 I'm bakery. 因為覺得佢地麵包做得比連鎖麵包店用心。化呢度已經幫襯過佢嘅麵包、曲奇、生果迷你蛋撻、生日蛋糕等。真係越做越難食！迷你生果撻，12蚊一個，得一啖既份量。但係上面嘅生果又酸又難食，尤其是藍莓。一個生日蛋糕，一磅裝一百二十同連鎖麵包店相差無幾，但係味道麻麻。要佢寫個生日牌要加10蚊，無下次。最近買咗佢哋＄13嘅排包仲恐怖，一咬，所有麵粉好似擦子膠咁碎到一枱都係，以前都話曬麵包唔差，而家質地好似海綿蛋糕咁。第一次買以為佢用錯麵粉，但係買咗兩次排包，兩次都非常難食。最後轉左呢隻提子包，總算似番個麵包。寶琳嘅麵包店有好多，以後寧願比多幾蚊食好啲。