Chef's Stage Kitchen (愉景新城) (已結業)

平時間中都會去下愉景新城行街，今日就黎左一間西餐廳食晚餐Chef's stage kitchen 係一間類似酒吧型式既西餐廳，裝修頗有情調，幾適合談心有情調既餐廳又點少得一個迷你爉燭超級多款式選擇，連飲品都係，選擇困難的我真係難以抉擇餐前餐包，煙煙韌韌好香麵粉既味道，麵包條脆卜卜，點埋個醬超級好味，超夾新鮮活藍靑口配意大利軟包，食落一百分驚喜，個汁超creamy, 忌廉味好重。藍靑口好鮮味，而且肉質彈牙，連平時少食靑口的我都食吾停口。意大利軟包點埋個汁食，有說不出的滿足好令人期待的墨魚汁鮮帶子海蝦扁意粉，食一舊帶子，真係好juicy, 煎得剛剛好，帶子充滿水份，一咬就咇出黎。墨魚汁雖然食完個咀會有黑色，但真係好鮮味，而且吾會膩炭燒日本豬腩配燒汁，一望到豬腩上面既炭燒條紋，就已經覺得好吸引，一食落去好香，好入味，而且肥瘦適中，點埋燒汁好惹味。呢杯飲品我係超期待，玫瑰冰磚鴛鴦一見到已經覺得好靚，飲落去真係有淡淡既玫瑰清香，再配埋鴛鴦既濃厚味道，兩種感覺配埋一齊好有層次感，真係好睇又好飲今晚呢餐好滿意，餐廳無論環境，服務，食物都十分高質素，值得繼續幫襯