天空虎嘯

營業中

休息中

🔺阿拉斯加長脚蟹：超級推薦！見到呢隻長腳蟹腿同我手掌一樣咁大，肉質軟嫩而且仲好鮮甜！我同朋友邊食邊感嘆呢個價錢可以食到咁高質嘅海鮮，好抵！ 🔺鮮北海道北寄貝：貝肉又香又鮮甜，口感爽脆，清蒸後貝肉嘅汁水流出，形成濃郁嘅醬汁！我同朋友都食到舐舐脷😋 🔺蘇格蘭刺身帶子：帶子好軟嫩鮮美，冇一絲腥味，加埋海草配西京麵豉，嗰種甜甜鹹鹹嘅口感我真係好中意，成碗湯汁我都飲晒😻 🔺墨魚滑 蝦滑：用新鮮墨魚打製，一點雜肉都冇，用蒸煮嘅方式更加凸顯新鮮味道！蝦滑同墨魚滑都十分爽口彈牙、鮮香味濃！ 🔺日式京蔥醬油配本地鷄：除咗海鮮佢哋仲有雞肉，本地雞嘅肉質鮮嫩多汁唔會鞋，醃製過後味道更加香濃，唔錯！👍🏼 其實食咗一半我哋就已經半飽，但係因為太新鮮太好味我哋連最後一道甜品都食晒，超推薦畀鍾意食海鮮嘅朋友~