Trio Kitchen (已結業)

見到 openrice 寫呢間cafe唔錯,，一心諗住同朋友嚟慶祝生日兼試下。book咗今晚去試，尋日下晝已經打電話book定, 接線員態度唔錯 仲好詳細描述地點我聽諗住俾朋友驚喜, 兼過開心的一晚, 點知......一上到去，同接待員講我地的booking，佢找一輪，然後話冇！！！我當堂嬲爆，我明白可能佢地尋日忙得滯唔知寫咗去邊，但係佢嘅態度暗示係我錯。於是，我地就當 walk-in啦，我地八個人，佢就俾咗張好窄的梳化我地，雖然我同朋友都好瘦 但都唔可能坐得哂......到咗呢個地步，我地唯有走啦。星期日旺角真係度度都要等位，我同朋友唯有要慢慢等，好無奈......其實我明白經營食肆，尤其係呢d cafe，因為員工少、地方細，難免會得失客人，但佢地好似唔係好care，任憑你d食物幾好，當你傷咗顧客心 (包括心情同信心)，就好難挽回了......