重慶雞公煲 (已結業)

上星期五同朋友o黎點左個二人餐,先o黎一個特大勁麻辣雞煲,果然名不虛傳,o個o的辣勁真係有返咁上下,攪到我個朋友標晒汗,我就覺得o的汁幾好味,不過雖然話係特大雞煲,但點睇都唔似有一隻雞,食完有o的唔夠飽既感覺,好在二人餐還包括一個小食(煎餃子)...不過個皮un左少少同油左少少,但出街食o野都預左會多油既,一客肥牛(有五塊都幾新鮮)同四款指定火窩料,我揀左燒賣,芝士腸,魚蛋同薯粉,芝士腸值得推介,因為好耐冇食過真係有芝士流出o黎既芝士腸o勒,咬開條腸o個刻真係幾有驚喜,不過魚蛋同燒賣就麻麻地,冇乜特別而且覺得有好大陣雪味,薯粉份量就太少o勒,夾左兩o下就冇晒,不過好在仲有兩碗飯同汽水送添,掃晒o的食物就真係覺得好飽o勒...唯一需要改善既係個火既問題,唔知點解個煲加左湯之後都似滾極都滾唔起,攪到我食完煲雞明明好肚餓但只可以望住o個煲湯得佢滾等左20分鐘,心急既我差點忍受不住=(