麵屋丸京

營業中

休息中

真。叉燒拉麵（濃湯）/豚骨拉麵（黑蒜油湯）超鐘意佢地既真。叉燒！！！用比較特別既慢煮方式去烹調，同一般既日式叉燒好唔同，肉質特別嫩，味道咸香，連我呢個平時唔鐘意食豬肉，更加我呢個唔鐘意食日式叉燒既人都比佢吸引到～另外佢既糖心蛋亦都十分出色～可以見到蛋黃好靚，熟既程度亦都剛剛好，浸得夠入味，超好食！後悔無加多一隻蛋呀！！我另外仲加左一份筍，只係加10蚊，份量超多，而且亦都好好食。湯底好濃厚，每啖都飲到濃香既豚骨味道，店員亦建議食到一半可以添加蒜蓉一齊食，會更加惹味！麵身質地唔錯，軟硬粗幼適中。另外，麵既份量都幾多下，如果細食既朋友可以同店員講少麵或者一半麵呀！