Lockeroom Dining (朗晴坊) (已結業)

與朋友兩人係朗豪坊到處走走，就到隔離Lockeroom dining 食晚飯，其實係3年前黎過，記得當時都仲未需要帶口罩的。今日就點了兩份餐，每份均配有沙律及餐湯，首先要試一試先，沙律都好好味，菜夠新鮮，加上少少黑醋，再以蒜蓉包點湯，傾住計等主食。 巴馬火腿黑松露忌廉雜菌意大利麵個汁整得幾好 好creamy加上天使麵比較幼，好吸味道，雜菌既量都唔少，食起來就唔會dry又有巴馬火腿，而且份量都唔少。 美國creekstone牛肉眼拼法國鵝肝今日叫medium well 的，個味道唔錯既，都有唔少肉汁係裡面。而且仲有鵝肝，煎得香口,而且與牛排一齊食，其實係好好味，底下有薯蓉及菜做伴碟，排都幾大塊的，大家Share就岩岩好了。 朱古力心太軟好可愛，一隻著阿仙奴球衣的恐龍大哥睇黎佢都好羨慕我有心太軟食..哈哈一切開就流出朱古力，外皮仲係脆。 水蜜桃梳打+峰蜜柚子茶作為餐飲，大家都食得開心。