堅韓牛韓燒放題 (已結業)

今晚和好姊妹去了旺角彌敦道726號堅韓牛韓燒火鍋雙放題2小時放肆去食餐好。樓上地方不算大，但勝在枱面夠闊夠大，食物放滿整張枱都不覺壓迫👍🏼 我哋點了體驗三國牛肉餐，一次過可以試食澳洲和牛、日本A4和牛和韓國和牛（這三款和牛只可試食一次，沒有任食），加上那5頁放題點餐紙裡的食物種類款式已足夠滿足！店員好貼心咁幫我哋燒三國和牛，配上海鹽，味道簡直無得輸！比我塊面還要大的安格斯肉眼扒和其他肉類好味唔再講，驚喜的是海蝦、魷魚、帶子、青口也同樣新鮮大隻好味😋基本上我哋點海鮮和肉類一樣多😂大家如果食帶子，可以將帶子放喺青口殼上面燒，可以保持帶子鮮甜多汁，識食梗係咁食😎還要推介雪濃湯，飲完好似去咗韓國，超好味！飲品櫃一定要試凍話梅茶，甜品當然要食返怀雪糕啦，好享受！