明星海鮮酒家 (已結業)

唔知平時係咪都係咁多人, 定係因為母親節, 所以先咁多人飲茶呢? 我淨係知道我由好餓等到變唔餓, 同埋變咗化石啫............等多1個鐘頭有多先到我地, 入到去好彩都有伙計會招呼你, 但只限入坐果陣lor~ 之後斟水沖茶都係自己嚟, 等得d伙計嚟都蚊瞓............食物方面除咗可以剔點心紙外, 仲可以去大排檔自己選, 當然係快少少啦~~ 因為實在太多人, d點心都上得比較慢, 如果唔想餓親, 就自己行下好d喇~~菜苗餃、燒賣、流心奶黃包全部都蒸得啱啱好, 唔會過龍~金錢肚就比較大pet芡汁~叉燒飯d叉燒望落去好瘦, 以為會好un好鞋, 但原來好林, 好有汁, 好好味~雞球炒麵個芡杰咗少少, 個個麵炸得好脆之餘又唔會好乾, 雞球夠哂大舊, 唔知點解個質地好爽, 一d都唔似雞肉, 有少少似豬潤...........酸齋會翻熱比你, 超大舊, 好似剪開咗, 但其實係冇剪開哂, 仲係連住的, 味道都唔錯, 不過唔夠多汁啫...............其實呢d大時大節真係唔好飲茶, 又迫又嘈, 食物水準都好似冇平時咁好, 招呼更加唔駛講, 自己顧自己, 但加一服務費照收...