影片
更多
2020-06-12
158 瀏覽
我哋冇訂座，入座嘅時候店員講明係指定時間要交返個位因為朋友唔食辣，所以次次去親食泰國嘢 ，幾乎都係叫呢幾味第一碟係pad thai 外觀上同好多泰式舖頭一樣，炒好嘅金邊粉出面，包住一層薄薄又金黃色嘅蛋皮加上芫茜，插住香茅，旁邊有啲生嘅芽菜，花生碎同埋辣椒粉揭開蛋皮入面有三隻大大隻嘅蝦仁，金邊粉炒到好均勻，用料都好豐富食得出有好多碎嘅雞蛋絲，芽菜，蔥段，豆干，櫻花蝦，最後仲有啲菜甫添，口感好豐富 椒鹽鮮魷分量都幾多，每一條鮮魷都鎅咗靚靚嘅花，令到味道更加入味炸到香脆，配埋啲炸蒜一齊食，再熱氣都唔緊要 半打嘅串燒揀咗半雞半牛(各3串)，有好香嘅香茅味，上面淋咗啲咖哩汁，旁邊仲有好重花生味嘅沙爹汁點，好濃郁不過啲肉燒到有啲overcooked，所以食落會韌 第二個主菜揀咗豬頸肉炒飯，同樣地好足料，而且份量好大，夠三個人share食！入面嘅豬頸肉軟嫩，切粒更加方便食，加埋啲菜粒，食落又爽口又彈牙最特別嘅係個飯仲有少少美極豉油嘅香味 最後甜品我哋揀咗兩款糕點：一款係椰汁糕，一款係蛋菜糕(即係有蛋花嘅大菜糕)兩隻糕各有特色，椰汁糕係熱辣辣嘅，似係啱啱蒸好，千層嘅效果令到佢好煙韌，食落香甜蛋菜糕係凍
因為朋友唔食辣，所以次次去親食泰國嘢 ，幾乎都係叫呢幾味
第一碟係pad thai
外觀上同好多泰式舖頭一樣，炒好嘅金邊粉出面，包住一層薄薄又金黃色嘅蛋皮
加上芫茜，插住香茅，旁邊有啲生嘅芽菜，花生碎同埋辣椒粉
揭開蛋皮入面有三隻大大隻嘅蝦仁，金邊粉炒到好均勻，用料都好豐富
食得出有好多碎嘅雞蛋絲，芽菜，蔥段，豆干，櫻花蝦，最後仲有啲菜甫添，口感好豐富
椒鹽鮮魷分量都幾多，每一條鮮魷都鎅咗靚靚嘅花，令到味道更加入味
炸到香脆，配埋啲炸蒜一齊食，再熱氣都唔緊要
半打嘅串燒揀咗半雞半牛(各3串)，有好香嘅香茅味，上面淋咗啲咖哩汁，旁邊仲有好重花生味嘅沙爹汁點，好濃郁
不過啲肉燒到有啲overcooked，所以食落會韌
第二個主菜揀咗豬頸肉炒飯，同樣地好足料，而且份量好大，夠三個人share食！
入面嘅豬頸肉軟嫩，切粒更加方便食，加埋啲菜粒，食落又爽口又彈牙
最特別嘅係個飯仲有少少美極豉油嘅香味
最後甜品我哋揀咗兩款糕點：一款係椰汁糕，一款係蛋菜糕(即係有蛋花嘅大菜糕)
兩隻糕各有特色，椰汁糕係熱辣辣嘅，似係啱啱蒸好，千層嘅效果令到佢好煙韌，食落香甜
蛋菜糕係凍嘅，滑捋捋得嚟食落爽口
張貼
