台北東南台式火鍋 (渣打銀行大廈) (已結業)

近日去左啟德嗰邊行下新商場，夜晚過左新蒲崗嗰邊搵食，見到呢間開左無耐嘅台式火鍋店，就入去試下😊 menu有3個價位嘅餐可以選擇，我地行到肚仔餓，就揀左最多野食嘅$358套餐。湯底可以6選1，我地揀左椰子雞湯🍲 入面好多料，好多雞件同椰子🥥，椰味香濃😋 入面仲有粟米同冬瓜，令到個湯更加清甜。野食方面，同其他任食火鍋一樣，都係有自助吧同qr code落單。自助吧有醬料，野飲，各款丸類菜類，仲有甜品同雪糕添😋 qr code落單當然有各款火鍋配料，$358套餐最正嘅係有好多款海鮮，推介鮑魚沙白蜆，2樣用椰子湯淥都好清甜👍🏼Qr code menu入面最有特色嘅，就係有好多款台灣地道小食😍 好有台灣夜市feel呀！我地又係每樣都叫黎試下，每樣食d都飽🤣 我最推介嘅就係鹽酥雞同台式蛋餅，真係唔輸台灣小食店架！