牛牛日式火鍋放題 (海之戀商場) (已結業)

打邊爐嘅湯底係精粹，今次呢間火鍋店最有心思嘅係提供左好多唔同嘅湯底🍲有成七、八款咁多。今次試左傳統山椒味噌鍋，山椒辛辣具刺激感，但辣得來又不是死辣，仲會有味噌嘅味道。膠原豬骨鍋好迎合大眾都鍾意嘅味道，豬骨湯味道好香濃，但係又唔會好油。本身好鍾意食餃子嘅我見到佢哋有煎餃子🥟餃子皮薄肉餡多汁好正🥳澳洲綠草原羊肩肉，羊肩肉入口即化，肥瘦適中。而牛胸腹則有濃厚牛肉香味。兩者各有特色。其實仲有好多唔同嘅食物選擇，大致上我覺得呢間火鍋放題性價比係幾高，下次打邊爐都會再揀返嚟呢度食。