星怡 (已結業)

星怡位於尖沙咀square 三樓，地點非常方便，餐廳樓底好高，枱同枱之間都好闊落，坐得非常舒服新加坡大蝦喇沙$108份量非常多，入面有半隻蛋，豆卜，兩隻大蝦，蝦肉爽口，又大隻，入口鮮甜，蝦頭仲好多蝦膏，幾片魚片，爽口彈牙，面底仲好多，最值得稱讚嘅係個湯底，有濃郁嘅椰香辣味，每食一啖油麵都吸晒啲湯底，食到停唔到口鹹蛋黃金炸魚皮$48魚皮炸到金黃色，熱辣辣，每一片卜卜脆嘅魚皮上面都鋪滿鹹蛋黃，非常邪惡，食到停唔到口馬來參巴烤魔鬼魚$128魔鬼魚一共有三片，每一片上面都有一些獨特的醬汁，辣辣甜甜的味道，冇腥味，魔鬼魚煎完之後，入口更加惹味，旁邊仲放有沙律菜，減低油膩感芝士油酥餅配咖喱雞球$88油酥餅上面放有一片芝士非常特別，口感同味道都唔同，油酥餅感覺唔會太油膩層次分明，又香又酥，超香濃嘅牛油味，點埋旁邊嘅咖喱汁，味道更加出色，雞肉入口嫩滑,又冇雪味，但有少少辣嘅香味,配菜仲有薯仔非常林身，加埋啲咖喱汁入口更加好味