胡爐 (已結業)

銅鑼灣依間「胡爐」主打足料火鍋湯底，以及各式各樣嘅手打丸類或餃子，所以今次都Order咗唔少佢哋出名嘅食物試下。*此餐廳收取加一服務費。胡椒豬肚花膠雞鍋（單點$288），花膠口感爽滑，豬肚口感爽口，略嫌份量比較少，雞件肉質嫩滑，雞味濃厚，湯底飲落充滿黑胡椒、白胡椒味道，味道辛辣，湯料包括有鹹菜、芹菜、枝竹。丸類拼盤（單點$128），芝心墨魚丸，內有大量墨魚粒，食落有鮮味；芝心蝦丸，內有芝士，流心效果突出，味道鹹香；黑松露墨魚丸，口感彈牙；梅菜豬肉丸，採用甜梅菜製作，類似梅菜蒸肉餅味道。餃類拼盤（單點$128），黑松露蟹肉餃，黑松露味道濃郁，內有雜菌，蟹肉味道鮮甜，略嫌肉質比較細碎；自家製韮菜餃，韮菜食落好香口；XO醬鮑魚蝦餃王，鮑魚味道香辣，XO醬內有蝦米、瑤柱，食落好惹味，內有鮮蝦；手打雲吞，鮮蝦、豬肉比例適中，鮮蝦食落好新鮮。醬料（兩人$56），包括有豉油、芫荽、香蔥、蒜蓉、炸蒜、麻醬、指天椒、沙茶醬、XO醬。