影片
更多
2022-05-07
1296 瀏覽
上次去完食芋泥蛋餅之後，先發現原來呢個地方隱藏著好多小店。今次本身就想去間拉麵店，但佢就熱門到兩點前已經賣哂，跟住我就再直行入到去呢間台式料理新店。 「好吃吃光」位於大角咀博文街，位置唔太顯眼，但人流都幾多吓。店舖呈木白系風格，店內佈光較灰暗，可能係隔離裝修搭棚先會咁嘅。座位/空間偏向擠逼，侍應經過都要就吓我對手。 食物選擇都算唔少嘅，有午市套餐(配涼菜及是日涼茶)，可選海老滷肉飯/醉雞飯/鯖魚飯etc，都算有特色嘅。亦可以加配少量嘅小食(e.g.台灣腸/花枝丸)，飲品都算係平。仲有正價嘅蛋餅類/滷水拼盤/芋圓等。叫夠$120有免費嘅甜不辣。估唔到咁細間舖都做到咁多野，但可惜就冇乜麵類。 月見海老蚵仔滷肉飯$68 咁嘅滷肉飯餐真係好少見，又有海鮮同家禽，$68黎講就當係個港式飯咁，性價比就唔錯，望落真係有好多料㗎。當日配菜係芽菜，微微帶醋酸，但個人麻麻地豆卜+醋呢個配搭。 蚵仔呢樣野通常只見到喺蚵仔煎/蠔餅。處理得唔好可能會有蠔殼，又可能會唔小心用手壓到爆咗必屎...etc，而呢度就冇呢D情況。蚵仔有淡淡嘅海水味同時又水嫩柔滑。蝦粒就估唔到係有煎過架(仲以為只係白灼)，質感爽口彈牙，亦
「好吃吃光」位於大角咀博文街，位置唔太顯眼，但人流都幾多吓。店舖呈木白系風格，店內佈光較灰暗，可能係隔離裝修搭棚先會咁嘅。座位/空間偏向擠逼，侍應經過都要就吓我對手。
食物選擇都算唔少嘅，有午市套餐(配涼菜及是日涼茶)，可選海老滷肉飯/醉雞飯/鯖魚飯etc，都算有特色嘅。亦可以加配少量嘅小食(e.g.台灣腸/花枝丸)，飲品都算係平。仲有正價嘅蛋餅類/滷水拼盤/芋圓等。叫夠$120有免費嘅甜不辣。估唔到咁細間舖都做到咁多野，但可惜就冇乜麵類。
月見海老蚵仔滷肉飯$68
月見海老蚵仔滷肉飯
$68
62 瀏覽
0 讚好
0 留言
咁嘅滷肉飯餐真係好少見，又有海鮮同家禽，$68黎講就當係個港式飯咁，性價比就唔錯，望落真係有好多料㗎。當日配菜係芽菜，微微帶醋酸，但個人麻麻地豆卜+醋呢個配搭。
月見海老蚵仔滷肉飯
$68
38 瀏覽
0 讚好
0 留言
蚵仔呢樣野通常只見到喺蚵仔煎/蠔餅。處理得唔好可能會有蠔殼，又可能會唔小心用手壓到爆咗必屎...etc，而呢度就冇呢D情況。蚵仔有淡淡嘅海水味同時又水嫩柔滑。蝦粒就估唔到係有煎過架(仲以為只係白灼)，質感爽口彈牙，亦有層焦香。
月見海老蚵仔滷肉飯
$68
33 瀏覽
0 讚好
0 留言
滷肉嘅五花肉，竟然比蚵仔少，不過又有樣感動嘅野。佢滷肉嘅汁竟然係佈滿於全碗飯中，唔係照咁係上面放D汁嗰隻。一𢳂起，飯粒輕微噴煙，每啖都有甜而唔太重口味嘅滷肉汁，加上肥瘦均勻嘅豬五花，掛在飯粒上嘅蛋液，一口接一口，真心有種暖笠笠又滿足嘅感覺。
大滿足蛋餅(起司+雞排+薯餅+蔬菜)$48
大滿足蛋餅
$48
23 瀏覽
0 讚好
0 留言
初頭就冇諗住叫蛋餅嘅，但見佢其中一款有咁多料，就叫咗佢。價錢就當然係貴D嘅，但望吓佢入面有幾多料先啦。
大滿足蛋餅
$68
8 瀏覽
0 讚好
0 留言
蛋餅皮係脆身嗰隻，但就唔脆嘅，反而係微微煙韌，入面有少少蔥花。蛋就反咗去表面，配上唔算太濃厚嘅甜麵醬。Morzarella cheese上枱時仲有拉絲嘅，唔洗多講啦。
薯餅切到一粒粒，外層焦黃爽脆，內裏嘅薯粒/絲就唔係「蓉」嘅texture，而係「粒」嗰隻。雞扒我唔知點解食食吓會覺得係豬扒，可能係佢有D柴掛，而佢同蝦粒一樣係煎得靚仔嘅。所有材料都均勻分佈於每片中，唔話佢滿足又真係唔得。
芋圓糖不甩(芝麻粉)$30
芋圓糖不甩(芝麻粉)
$30
13 瀏覽
0 讚好
0 留言
又一特別之作。餐廳將糖不甩湯圓變成芋圓，除咗花生粉外又可以叫芝麻粉，但其實佢個擺盤反而更似係鮮奶麻糬咁，可能就係差咗個薑汁糖水掛😆。望落好似有D空虛，但你一粒一粒咁食都好飽嘅。但係佢比嗰支牙籤就...佢用咗個牙籤紙包做咗個DIY咁lor，其實就唔洗咁啦。
芋圓糖不甩(芝麻粉)
$30
21 瀏覽
0 讚好
0 留言
芋圓有四隻顏色，應該係紫薯/番薯/芋頭/綠色嘅抹茶味，口感煙韌黏身。如果齋食嘅你會食到佢DD原材料嘅味(我知冇人會齋食)。黏上甜而深厚嘅黑芝麻粉，為芋圓帶來生氣。但呢道菜其實可以再進步吓，例如牙籤嗰part，令芋圓黐咗喺個木板咁，好似都未算係好完整咁。
張貼
