影片
更多
2017-04-25
527 瀏覽
今日過海睇E生, 上網搵左呢間特色車仔麵食LUNCH, 店子少少, 但野食一流. 呢到主打係麵, 有各種不同既麵可以選擇, 而且仲好特別, 有D真係得一次食, $47可以選標準餸2個, 如果想轉升級餸就加$6/款. 仲有其他小食.小食我地叫左個自家制既豬手$28, 呢個超級抵食, 豬手大大隻, 而且炆得相當入味, 夠哂淋, 骨膠原相當高, 哈哈.....因為食到成個咀都好痴淋淋, 但真係好好食, 必食呀!!首先係選湯底先, 我選左冬蔭公湯底+$6, 之後就選麵, 嘩....真係好多款, 食咩好呢, 哈哈..選黎選去都係選返河粉, 餸我就選左好有益既秋葵, 八爪魚餅+$6. 冬蔭公湯底味道都夠哂香濃, 辣得黎又唔會蓋過其他香料既味, 而且仲可以免費加湯TIM, 超好, 因為通常河粉都會索哂D湯, 八爪魚餅都好彈牙, 哈哈...我仲選左多芫茜.朋友選左喇沙湯底+$6(選左少辣), 麵就選左好特別既昆布麵+$20, 餸就選左豬頸肉+$6, 肥牛+$6. 喇沙湯底味道夠香, 不會太辣, 可能選左少辣, 但比較起黎冬蔭公湯會濃郁D, 豬頸肉都爽口, 最後一定要講呢隻昆布麵, 真係第一次食, 食
小食我地叫左個自家制既豬手$28, 呢個超級抵食, 豬手大大隻, 而且炆得相當入味, 夠哂淋, 骨膠原相當高, 哈哈.....因為食到成個咀都好痴淋淋, 但真係好好食, 必食呀!!
首先係選湯底先, 我選左冬蔭公湯底+$6, 之後就選麵, 嘩....真係好多款, 食咩好呢, 哈哈..選黎選去都係選返河粉, 餸我就選左好有益既秋葵, 八爪魚餅+$6. 冬蔭公湯底味道都夠哂香濃, 辣得黎又唔會蓋過其他香料既味, 而且仲可以免費加湯TIM, 超好, 因為通常河粉都會索哂D湯, 八爪魚餅都好彈牙, 哈哈...我仲選左多芫茜.
朋友選左喇沙湯底+$6(選左少辣), 麵就選左好特別既昆布麵+$20, 餸就選左豬頸肉+$6, 肥牛+$6. 喇沙湯底味道夠香, 不會太辣, 可能選左少辣, 但比較起黎冬蔭公湯會濃郁D, 豬頸肉都爽口, 最後一定要講呢隻昆布麵, 真係第一次食, 食落口感好得意, 堅用昆布整成, 而且爽口的, 幼幼的, 哈哈, 顏色方面都好綠色下, 估唔到咁好食.
下次黎一定要試埋其他麵呀, 同埋呢到D湯底都好得, 會再黎!!
張貼
