芽莊越式料理

營業中

休息中

喺將軍澳諗唔到食咩，所以嚟咗呢一間越南菜。位於Popcorn樓上正中間都幾易搵。嗰晚食嘅時候唔使排隊直入。我叫咗個河內湯河雙拼（叫咗生牛肉同牛丸）朋友就叫咗炭燒豬扒撈檬。撈檬都幾好食同埋豬扒都幾易入口不過個雙拼就覺得好似冇咁抵咁😂因為淨係生牛肉湯河$78, 但係生牛肉加牛丸就$90。而且牛丸得好少不過佢個湯飲得出唔算味精嘅～嗰晚冇頸渴嘅感覺都幾好飲！另外叫咗個菜，蝦米仔芥蘭苗。碟菜一嚟到就知道勁淋😑完全淋到係唔好食嘅…..最值得一讚係叫咗佢個生蝦！$98有成廿隻～好食！另外再叫咗兩杯嘢飲。越南咖啡佢嘅咖啡係比較酸，都不錯。