大山日本料理

營業中

休息中

今日係旺角食咗一間幾抵食嘅日本餐廳，位置就係兆萬對面。搭電梯上2樓都係居酒屋嘅佈置，近窗邊仲可以望到西洋菜南街添。食物都好多元化，拉麵、串燒、炸物、鍋物、刺身、壽司乜都有。見佢有特價小食就叫咗一客吉列廣島蠔壽司伴芝土黑松露醬，兩件都係$18。吉列蠔渣都好鬼脆，芝士黑松露醬個味濃就冚咗蠔嘅腥味，仲要上邊熱辣辣即叫即整。另外佢啲雜錦刺身飯，都係做緊大約$88 呢啲價位，都真心幾平。叫咗杯啤酒飲，除咗雜錦天婦羅送酒之外，燒三文魚皮都好鬼正，魚皮脆卜卜，下便有連埋少少魚肉，鹹鹹香香。如果飲酒一定要試。