茶舍 (淘大商場2期)

營業中

休息中

今日同屋企人去咗淘大搵嘢食，見到呢間茶舍望落去好乾淨舒服，Menu 嘅食物款式又幾吸引，就入去試吓。坐低後手機落單，第一次食當然要試吓D推介嘢啦，我地點咗個蟹粉炒飯同濃蝦湯飯。首先上咗個湯飯，好好味，D湯好濃，熱騰騰，食材好豐富，有大蝦、帶子、青口、魷魚… 等等，真係落足料；另外佢地嘅蟹粉炒飯真係好有特色，側邊鋪滿蟹粉，再加上D櫻花蝦超香口，每一啖嘅口感都好滿足，擺盤亦好靚，仲有佢地D嘢飲都好有特色，好靚好好飮。佢地嘅出品真係可以媲美高級餐廳嘅水準，值得一試再試，係一間性價比非常高嘅Cafe。