影片
更多
2025-01-07
175 瀏覽
黃竹坑站隔籬個新商場Southside啲食肆開得7788，今次又去探朋友就多咗好多選擇今次試一間日式居酒屋Nambu，佢除咗居酒屋必備嘅串燒天婦羅酒水外，晚市都有好多定食，我估係迎合返附近住宅區嘅一家大細咁我哋就揀咗牛肉壽喜燒定食同銀鱈魚定食。定食追加野菜鍋都只係加$68，於是我哋就加咗一個每個定食仲有茶碗蒸，野菜沙律同味噌湯，其實已經好豐富牛肉壽喜燒上枱仲係滾住，不過啲牛肉就未去到全熟，中間加咗一隻生雞蛋。將生蛋攪勻，個汁就會杰身咗，牛肉就接近全熟啦，而牛肉嘅份量都唔少，甜甜嘅汁配埋豐富嘅豆腐野菜送飯就一流。銀鱈魚係用西京燒嘅方法，魚皮燒到少少焦香，銀鱈魚一向都係魚油超豐富，所以將佢配白飯食就最啱追加嘅野菜鍋其實個汁同壽喜燒汁有少少似。包括有黃芽白豆腐冬菇金菇大蔥同鴻喜菇，其實加$68有咁多菜真係好抵朋友話想試吓佢串燒嘅質素，咁我哋就分別叫咗燒牛舌，燒阿波美雞翼，北海道帆立貝，同燒青椒仔當然唔少得飲番杯啤酒啦牛舌唔算厚切，但火候就控制得好，表面焦香入邊仲做到Juicy 帆立貝一串有兩粒，啱啱好一人一粒。用咗汁燒嘅方法，更加帶出到帆立貝本身鮮甜嘅味道燒青椒仔正常水準冇失手阿波美雞翼就等
今次試一間日式居酒屋Nambu，佢除咗居酒屋必備嘅串燒天婦羅酒水外，晚市都有好多定食，我估係迎合返附近住宅區嘅一家大細
咁我哋就揀咗牛肉壽喜燒定食同銀鱈魚定食。定食追加野菜鍋都只係加$68，於是我哋就加咗一個
每個定食仲有茶碗蒸，野菜沙律同味噌湯，其實已經好豐富
牛肉壽喜燒上枱仲係滾住，不過啲牛肉就未去到全熟，中間加咗一隻生雞蛋。將生蛋攪勻，個汁就會杰身咗，牛肉就接近全熟啦，而牛肉嘅份量都唔少，甜甜嘅汁配埋豐富嘅豆腐野菜送飯就一流。
銀鱈魚係用西京燒嘅方法，魚皮燒到少少焦香，銀鱈魚一向都係魚油超豐富，所以將佢配白飯食就最啱
追加嘅野菜鍋其實個汁同壽喜燒汁有少少似。包括有黃芽白豆腐冬菇金菇大蔥同鴻喜菇，其實加$68有咁多菜真係好抵
朋友話想試吓佢串燒嘅質素，咁我哋就分別叫咗燒牛舌，燒阿波美雞翼，北海道帆立貝，同燒青椒仔
當然唔少得飲番杯啤酒啦
牛舌唔算厚切，但火候就控制得好，表面焦香入邊仲做到Juicy
帆立貝一串有兩粒，啱啱好一人一粒。用咗汁燒嘅方法，更加帶出到帆立貝本身鮮甜嘅味道
燒青椒仔正常水準冇失手
阿波美雞翼就等得比較耐，我諗正常燒雞翼嘅時間都要長啲。雞翼嘅皮脆到不得了，而阿波美雞雞味比較濃，所以只係簡單加幾粒鹽調味已經食到雞肉本身嘅味道
張貼
