影片
更多
2017-06-22
72 瀏覽
瞓得晏先起身，等到下午茶時間先食第一餐，諗住少人啲又平啲。兩點幾嚟到，估唔到仲咁多人。呢度選擇多，價錢又經濟，吸引多人嚟都好合理。好彩仲有兩個位，唔洗等。除咗有一般飯餐，仲有全日早餐、焗飯、鐵板飯、蛋包飯、和食、扒餐、麵食、淨菜、小食、甜品，應有盡有，款款都好吸引，選擇都有啲困難，日日嚟食都應該唔會厭。早餐、午餐、下午茶夾埋呢餐一齊食，都餓餓地，所以兩個人叫咗兩個主食加一個甜品。全部都可以跟餐。外面天氣炎熱要多補充水份，兩個人飲3杯嘢都𣎴為過吖，哈哈。H29 挪威煙三文魚炒蛋早晨全餐 $38當埋早餐食，叫份全日早餐就啱晒。賣相很豐富，有沙律、煙三文魚、腸仔、炒蛋、牛角包。沙律用咗芝麻醬，炒蛋好滑。427 椰汁紫米冰 跟餐+$9叫了杯椰汁紫米冰，啱晒消暑降溫。是日套餐C 黑椒巨人漢堡鐵板飯 $43當埋午餐食，當然要叫個飯。巨人漢堡這名字十分吸引，漢堡扒真的很厚，肉味香，回味之選。422 青蘋果蘆薈綠茶 +$9天口熱，友人都叫咗杯凍飲降溫，唔知係咪好好飲，很快便飲晒。3.6 牛乳粟米湯 +$7加$7可以配個餐湯。配咗3.6 牛乳粟米湯，奶味好香濃的湯，湯質夠稠。H3 冰火抹茶紅豆西多士 $
早餐、午餐、下午茶夾埋呢餐一齊食，都餓餓地，所以兩個人叫咗兩個主食加一個甜品。全部都可以跟餐。外面天氣炎熱要多補充水份，兩個人飲3杯嘢都𣎴為過吖，哈哈。
H29 挪威煙三文魚炒蛋早晨全餐 $38
當埋早餐食，叫份全日早餐就啱晒。賣相很豐富，有沙律、煙三文魚、腸仔、炒蛋、牛角包。沙律用咗芝麻醬，炒蛋好滑。
427 椰汁紫米冰 跟餐+$9
叫了杯椰汁紫米冰，啱晒消暑降溫。
是日套餐C 黑椒巨人漢堡鐵板飯 $43
當埋午餐食，當然要叫個飯。巨人漢堡這名字十分吸引，漢堡扒真的很厚，肉味香，回味之選。
422 青蘋果蘆薈綠茶 +$9
天口熱，友人都叫咗杯凍飲降溫，唔知係咪好好飲，很快便飲晒。
3.6 牛乳粟米湯 +$7
加$7可以配個餐湯。配咗3.6 牛乳粟米湯，奶味好香濃的湯，湯質夠稠。
H3 冰火抹茶紅豆西多士 $28
最後食埋個甜品就完美了。 點了冰火抹茶紅豆西多士，可惜無晒抹茶雪糕，轉咗朱古力雪糕，無損冰火感，味道都好夾。
430 蜂蜜柚子蜜 熱 +$9
好彩最後叫多杯熱飲飲下，熱蜂蜜柚子蜜，跟餐加$9，濃濃甜甜的蜜味和柚子味，好滋潤。
每人幾十蚊已可食足三餐份量，好抵。仲有好多款食物試，但已經好飽了。決定下次再來！如果喺公司附近開間分店就好喇。
張貼
