啤啤Bear韓國包車

營業中

休息中

今日朋友帶去呢間啤啤bear 韓國包車，係尖咀諾士佛台。 都真係好耐冇黎過，估唔到而家諾士佛台都變左好多。 黎到呢間韓燒真係眼前一亮，滿滿既Y2K氣氛返晒黎。 成間機舖好靚不突只，外面仲有K房，跳舞機，投藍，枱波，最窩心係原來有需要店內仲可以提供一次性雨衣，口罩，女性用品，真係有夠貼心。 同朋友坐底，就見今日有特別優惠既鐵板韓式烤鰻魚配紫菜。 豐富到嘩左出聲，冇諗過原來鰻魚可以咁樣烤黎食，而且佢跟埋既醬料，紫菜同生菜都好match 好好味，真係非常抵。 然後更係要食無骨炸雞，超大件，又juice, 果然係必食。 食炸雞當然要飲啤酒同燒酒，我地叫左柚子啤酒同荔枝燒酒，酒好味，食得好盡興。 仲有叫多個旋風爆蒜韓式豬腳，又係個不一般既體驗， 好香濃又稔身。 咁好食，下次真係要再約多啲人一齊黎食過。