德豐打冷粉麵餐廳

營業中

休息中

男朋友想買電子野，陪佢去左男人的浪漫鴨記行，行完就要揾飯食，我地揀左茶餐廳食，餐廳個場都幾爆，所以要搭枱，我地叫左兩個餐，我個個係炸雞髀飯餐配洋蔥汁，男友係魚柳雞扒配蒜蓉汁，餐湯係雜菜湯，而餐飲就係奶茶。雞髀餐份量都好大份，白飯已經有兩碗咁多，都叫幾抵食，而且雞髀本身都有味，所以不錯。男友就話佢個個雞扒魚柳個蒜蓉汁偏酸，但我食就覺得無咩嘢，所以好睇個人口味。不過西湯我就真係覺得係酸左少少，可能係茄膏落得比較多。奶茶就都係茶餐廳水準，茶味香濃，配黑白淡奶，都係不錯的奶茶。