影片
更多
2020-06-08
69 瀏覽
今日同朋友喺MegaBox行街，行行吓覺得肚餓，又突然間想食喇沙，所以就入咗依間餐廳食飯。我地叫咗一個波士頓龍蝦喇沙，一個大蝦炒金邊粉，仲有一個椰汁西米糕同埋一個香芒椰汁糯米飯。波士頓龍蝦喇沙以原隻龍蝦上，份量非常之巨大，一黎到就已經大到嚇親人。喇沙以油麵同埋米粉做麵底，口感非常之好。湯底濃郁得來又香又滑，而且唔算太辣，好適合我呢啲食唔到辣嘅人。波士頓龍蝦既殼唔算硬，加上餐廳都好細心咁夾爛左個殼，食既時候都唔會好麻煩。龍蝦肉食落幾好食，啖啖肉之餘亦帶有幾分鮮味。大蝦炒金邊粉亦都做得好出色，金邊粉食落酸辣辣咁，十分醒胃。另外金邊粉亦都幾煙韌，咬落幾彈牙。另外大蝦蝦肉亦都算爽口，尚算不錯。甜品方面，香芒椰汁糯米飯擺盤十分特別，呈拖鞋型。糯米飯整到一舊舊壽司咁，上面放左芒果，一啖一舊，正！椰汁西米糕入口好滑，底下既西米增強左口感
今日同朋友喺MegaBox行街，行行吓覺得肚餓，又突然間想食喇沙，所以就入咗依間餐廳食飯。
我地叫咗一個波士頓龍蝦喇沙，一個大蝦炒金邊粉，仲有一個椰汁西米糕同埋一個香芒椰汁糯米飯。
波士頓龍蝦喇沙以原隻龍蝦上，份量非常之巨大，一黎到就已經大到嚇親人。喇沙以油麵同埋米粉做麵底，口感非常之好。湯底濃郁得來又香又滑，而且唔算太辣，好適合我呢啲食唔到辣嘅人。波士頓龍蝦既殼唔算硬，加上餐廳都好細心咁夾爛左個殼，食既時候都唔會好麻煩。龍蝦肉食落幾好食，啖啖肉之餘亦帶有幾分鮮味。
大蝦炒金邊粉亦都做得好出色，金邊粉食落酸辣辣咁，十分醒胃。另外金邊粉亦都幾煙韌，咬落幾彈牙。另外大蝦蝦肉亦都算爽口，尚算不錯。
甜品方面，香芒椰汁糯米飯擺盤十分特別，呈拖鞋型。糯米飯整到一舊舊壽司咁，上面放左芒果，一啖一舊，正！
椰汁西米糕入口好滑，底下既西米增強左口感
張貼
