影片
更多
2022-10-31
57 瀏覽
呢間係位置觀塘既合十🍽餐廳位置於觀塘apm商場步行兩分鐘路程，非常方便又易搵👍🏻同朋友一行四人黎試下🤣💡由於朋友知道呢間餐廳有帳幕打卡位，因此早兩個禮拜左右打電話book定 （如要求帳幕位置最低消費為$1320）本身對裝修靚靚地餐廳 對食物既質素都無特別太大期望🤣純粹想影下相打下卡咁📸但食物出奇地令我地另眼相看（非打手）我逐一介紹下✏ 牛油汁白酒大蜆意粉 $148白酒煮蜆好忌唔夠汁水又好乾，然而呢間絕對無呢個問題 好有酒味同好香牛油味 蜆都完全一粒沙都無（可能用急凍蜆？）😋但實係好好食👍🏻👍🏻👍🏻✏️ 帶子蟹肉南瓜意大利飯 $178 呢個飯勁好食！我地第一淡食落去已經覺得佢好香好creamy，食落一d都唔膩 上面有兩粒大帶子 唔會有雪味 大推👍🏻👍🏻✏️ 巨型豬扒跟薯菜(製作需約30分鐘) $188 呢個好有驚喜！諗住佢賣點係大件就算 點知又大件又做得好出色😂先講份量，佢絕對大塊而厚實，本身已經嗌左飯同意粉，後期上豬扒呢道絕對餵飽我地4個女仔🤣熟度方面，佢全熟的 一大塊豬扒要切開哂好需時🤔多數出面餐廳切緊既途中已經好快凍哂肉質變到好鞋，但佢無呢個問題，肉質拿捏得好 真係有肉汁味👍🏻配菜方面
💡由於朋友知道呢間餐廳有帳幕打卡位，因此早兩個禮拜左右打電話book定 （如要求帳幕位置最低消費為$1320）
本身對裝修靚靚地餐廳 對食物既質素都無特別太大期望🤣純粹想影下相打下卡咁📸
但食物出奇地令我地另眼相看（非打手）我逐一介紹下
✏ 牛油汁白酒大蜆意粉 $148白酒煮蜆好忌唔夠汁水又好乾，然而呢間絕對無呢個問題 好有酒味同好香牛油味 蜆都完全一粒沙都無（可能用急凍蜆？）😋
但實係好好食👍🏻👍🏻👍🏻
✏️ 帶子蟹肉南瓜意大利飯 $178 呢個飯勁好食！我地第一淡食落去已經覺得佢好香好creamy，食落一d都唔膩 上面有兩粒大帶子 唔會有雪味 大推👍🏻👍🏻
✏️ 巨型豬扒跟薯菜(製作需約30分鐘) $188 呢個好有驚喜！諗住佢賣點係大件就算 點知又大件又做得好出色😂先講份量，佢絕對大塊而厚實，本身已經嗌左飯同意粉，後期上豬扒呢道絕對餵飽我地4個女仔🤣熟度方面，佢全熟的 一大塊豬扒要切開哂好需時🤔多數出面餐廳切緊既途中已經好快凍哂肉質變到好鞋，但佢無呢個問題，肉質拿捏得好 真係有肉汁味👍🏻配菜方面，薯條熱 但唔係脆果種，蕃茄同青瓜都好多汁唔係乾旱做裝飾果種😂好食👍🏻
✏️ 小食拼盤 $138 岩岩好每款一人四件唔洗爭 小食款式不過不失 但自在過下口癮😋 不過我地蠢左😅拼盤有墨西哥脆片，我地又另外嗌左，搞到食唔哂
✏️ 泰式生蝦(8隻) $108 我同朋友試完一齊靜思左一陣🤔佢唔係唔好食，但我地唔太識欣賞佢上面既青醬，感覺佢個青醬味似攞黎煮意粉🍝適合d，佢用黎做點生蝦既汁⋯er有點怪🤣然後我地諗下點樣令呢碟生蝦感覺似返泰式d，之後用左小食拼盤中間既甜酸醬去食🤣🤣即刻好有感覺，食泰式生蝦既味蕾返返黎 建議💡餐廳可以配埋呢個醬比人點😂
✏️ 巴瑪火腿火箭菜薄餅 $103呢個pizza唔係我所認知厚底果種pizza，而係薄薄地脆脆地既，我地個人認為唔太特別，可能口感有點類似墨西哥脆片既口感 令我地食既野好似重覆又重覆？
✏️野飲方面，我地叫左
阿婆 的 秘密( 沙冰) $48
戀愛預告 $58 同粉碎 性 骨折$58 一樣有雲呢拿雪糕喺面）
✏️ 士多 啤梨 乳酪 瀑布 蛋糕 配 雪糕 $98 餐後上
甜品雖然好靚，但性價比上差少少，因為份量小而味道偏甜無太驚艷，所以有些少失望🙁但個人認為如果作為去慶祝生日或周年等 嗌甜品加分畫字係一個好選擇黎
總結： 朋友一致比7/10分🥰 主菜整體都做得好出色，小食同甜品需要改進一下💪🏻飲品都好靚 但味道偏甜 希望有得比客人去揀返甜度去調配
環境打卡一流🥰但我地十月黎既然天氣未轉涼😅食到尾開始feel到有點熱，可能天氣熱普通位就會因為有空機而比較涼
💡 另一方面，帳篷位旁係吸煙區，職員有一早提醒，但空氣對流時都真係聞到幾重味 所以如果介意既朋友 要揀帳篷位絕對要有心理準備
張貼
