天空虎嘯

營業中

休息中

同同事傾偈傾到最近帶屋企人食飯都去啲咩地方，然後同事就傾到上個禮拜，佢哋一家大細去咗呢間日式海鮮餐廳「天空虎嘯」，主打海鮮蒸氣火鍋，好抵食，海鮮唔會太貴仲好新鮮。呢個禮拜就打算到我帶屋企人食，book咗4位嘅晚餐。呢度地方好大，仲有露台可以望吓夜景，真係好享受。呢度係主題餐廳，所以餐牌得一個，正宗阿拉斯加長腳蟹海鮮蒸氣刺身套餐刺身頭盤真係好正，有好多海鮮刺身，有花龍蝦、加拿大象拔蚌、北海道帶子、法國銀鱈魚、赤身、日本室樽生蠔、酒漬赤蝦，樣樣都係極品，而且好新鮮。阿拉斯加長腳蟹真係好大隻，屋企人仲驚食唔晒，點知畀我食晒，咁正嘅長腳蟹真係極致享受，長腳蟹嘅肉質真係太鮮甜咗！！龍蝦湯蒸蛋配蟹肉都唔錯，蒸蛋好濃郁嘅龍蝦湯味，好鮮美！鮮北海道北寄貝嘅肉都好飽滿，體型唔細，肉質都係爽口鮮嫩。新鮮野菜盛合攞嚟蒸，都係別有一番風味，啲菜都好新鮮，帶有清甜，可以解到食太多肉嘅滯。總之，呢度真係好好，睇吓夜景，食吓海鮮，好享受。