海灣餐廳及海灣咖啡室

營業中

休息中

之前聽朋友介紹話好得，點知好失望。服務同環境都幾好，但食物選擇不多。刺身都新鮮，但係連多數人鍾意食嘅三文魚都冇。壽司款式都不太多。冷盤海鮮有蝦，蟹腳，青口，蜆，東風螺。熟食嘅選擇都唔多，大約有牛腩，咖哩，炒飯，菜，叉燒，油雞燒鴨.... 牛扒就變咗燒烤完切好一小塊咁俾人夾。仲有粉麵區煮湯河。甜品區再令人失望，得一個小小display 櫃，好似平時甜品店個小小display櫃咁。另外一區有細萄撻，細waffle （但係冇蜜糖&練奶，只有朱古力&士多啤梨醬😩），豆腐花，湯圓同生果。最吸引只係個雪糕櫃，有六款雪糕。綜合所有食物嘅質素同味道都唔錯，但係唔值哩個價。原本我哋每人要俾$580，但係埋單嗰陣個staff話如果我哋download 佢哋個app join 會員即刻有六折，所以最尾埋單每人要俾$350。折咗$350去食都好唔抵食。仲有周圍不時有著住泳衣嘅住客行行去泳池。