Egg O’Clock (已結業)

雖然唔係成日嚟，但嚟親都同蛋鐘老闆傾唔停嘅！上至天文，下至地理，佢都可以同你傾得！但我每次嚟，都會有住同一個問題: 其實件鰻魚咁大件，真係諗唔明呢間舖頭點樣維生㗎？加埋個炒蛋又嫩又滑，同飯一齊食真係絶配！大推鰻魚蛋包飯，如果想減醣，仲有椰菜花飯可以選擇添，跟餐仲要有嘢飲，次次食，次次都要下次嚟Encore!!次選就會揀佢個蛋治，個麵包超軟熟，件炒蛋又熱辣辣，真心覺得好好食!!再嚟嘅配腳，當然係佢整嘅多士啦⋯⋯有靚嘅方包，就會出到好嘅多士!!一個真心想做好呢間鋪嘅老闆，自然就會對出品有所要求。