三希樓 (利舞臺廣場)

營業中

休息中

今日lunch hour 同同事出去飲茶， 我哋揀咗喺公司附近嘅三希樓到食飯！呢間餐廳嘅點心又好味又大件。 真係超級抵食！😸我哋叫咗香辣鮮牛肚，味道辣辣地，但完全冇覆蓋牛肚本身嘅鮮味。口感好爽口，而且一啲靭嘅感覺都冇。超好食！😽黎到飲茶又點可以唔叫燒賣，燒賣大大粒，十分足料，蝦肉同豬肉嘅比例啱啱好。咬落去勁多肉汁流出來。一個字正！👍水晶鮮蝦餃，呢間餐廳嘅蝦餃非常出名。唔單止皮薄餡靚！大隻蝦肉加埋筍同豬肉。鮮味十足！😻( 三希樓 ) 麻辣口水雞 ( 小 ) ，呢個係必食嘅菜式，雞肉嫩滑多汁，加埋又香又麻嘅麻辣汁，令到雞嘅味道更突出！超正！👍