火舞町 (已結業)

今日去朋友屋企玩，玩到Dinner time, 朋友就帶咗我哋去一間叫火舞町嘅餐廳到食晚餐。虎蝦(兩隻)， 🦐虎蝦好大隻😍，而且燒到啱啱好。口感爽口彈牙。每一啖都有好濃郁嘅蝦味。超好食！南非鮑魚，賣相好靚好吸引，🦪鮑魚嘅味道好鮮甜，加埋三文魚子嘅鹹味，令到鮑魚嘅味道更加突出。聖子，口感好爽，完全唔會靭。食落口有好濃郁嘅聖子味🐚。只要加少少鹽同調味料，就已經好好味！季節刺身-九宮格，呢個超吸引，一共有9種唔同嘅刺身，分別有海膽，🦐牡丹蝦，🐟拖羅，🐠金目鯛等等，全部都勁新鮮。真係一次過可以滿足哂對刺身嘅慾望。 👍🏻靜岡蜜瓜汽水&信州蘋果汽水，全部嘅🧃汽水都係由日本進口，佢地有好重嘅果香味。好好飲👍🏻