岩鹽日本料理 (利舞臺廣場) (已結業)

📍之前試過呢間餐廳都好好食，今日同朋友再嚟利舞臺食多一次佢哋個釜飯先。叫咗份三文魚牛油果米紙卷($55)做前菜，一啖可以食晒青瓜、牛油果、生菜同埋三文魚，食落爽口又夠哂fresh。鮪魚雙色卷($108)面頭既魚生夠厚切，入邊仲有吞拿魚蓉！朋友食開重口味，店員推介我哋試茄子田樂燒($78)，茄子面頭有雞肉粒同埋一層口口嘅味噌，食落多汁又勁香！嚟度一定要食釜飯！餐廳出邊仲有個櫥窗位可以見到佢哋係即煮，廣島蠔釜飯($168)入邊有四粒蠔仔，焗佢1分鐘之後就可以撈勻嚟食，仲可以夾住紫菜或者整成茶漬飯食。最後叫咗個椰子雪葩，不過椰子味淡啲，奶香味比較濃郁。