影片
更多
2022-01-07
358 瀏覽
小島•澳門菜 銅鑼灣勿地臣街1號時代廣場13樓1302號舖平安夜早收工就梗係去shopping啦~ shopping前就梗係要醫肚先la~ 同同事兩個去咗Time Square嘅《小島．澳門菜》度食lunch，衣間餐廳一直想試好耐，但係成日都勁多人排隊，難得今日walk in唔洗等！我地叫咗兩個set lunch，套餐仲送埋餐湯同餐飲，另外每個set仲可以加配兩款小食，我地叫咗3款《溫泉火山口葡國雞芝士焗飯》個汁好味！香濃得黎又唔會太濃味剛剛好，配埋流心蛋黃一齊食勁正！再配埋大大片菠蘿好開胃！《葡式牛肝菌芝士焗鴨肉飯》好香嘅肝菌味！飯係珍珠米，整得好乾身，粒粒飯都充滿鴨肉香味，再配埋臘腸同橄欖，味道更多一個層次！《葡撻》蛋漿部份好香滑，酥皮亦好鬆脆，美中不足係個撻底比較油《海鹽檸檬燒沙甸魚》個調味係幾惹味嘅，不過魚就比較腥《芝士馬介休薯球》超級好味！連平時唔係好食馬介休嘅同事都大讚！馬介休外皮炸得香脆，內裡軟棉棉，加埋芝士嘅鹹香，超勁夾！另外再點埋個醬汁，又再多一個風味！整體黎講，衣間餐廳絕對冇令我失望！每樣餸都好好味，下次一定會再黎！
銅鑼灣勿地臣街1號時代廣場13樓1302號舖
平安夜早收工就梗係去shopping啦~ shopping前就梗係要醫肚先la~ 同同事兩個去咗Time Square嘅《小島．澳門菜》度食lunch，衣間餐廳一直想試好耐，但係成日都勁多人排隊，難得今日walk in唔洗等！
我地叫咗兩個set lunch，套餐仲送埋餐湯同餐飲，另外每個set仲可以加配兩款小食，我地叫咗3款
《溫泉火山口葡國雞芝士焗飯》
個汁好味！香濃得黎又唔會太濃味剛剛好，配埋流心蛋黃一齊食勁正！再配埋大大片菠蘿好開胃！
《葡式牛肝菌芝士焗鴨肉飯》
好香嘅肝菌味！飯係珍珠米，整得好乾身，粒粒飯都充滿鴨肉香味，再配埋臘腸同橄欖，味道更多一個層次！
《葡撻》
蛋漿部份好香滑，酥皮亦好鬆脆，美中不足係個撻底比較油
《海鹽檸檬燒沙甸魚》
個調味係幾惹味嘅，不過魚就比較腥
《芝士馬介休薯球》
超級好味！連平時唔係好食馬介休嘅同事都大讚！馬介休外皮炸得香脆，內裡軟棉棉，加埋芝士嘅鹹香，超勁夾！另外再點埋個醬汁，又再多一個風味！
整體黎講，衣間餐廳絕對冇令我失望！每樣餸都好好味，下次一定會再黎！
張貼
