日本野 (已結業)

石燒霜降吉列牛小排 ➰ $248牛小排好有質素，油脂分布好均勻，外面上左層吉列炸衣都冇令牛肉熟左。放上去石燒爐，一黎好玩，二黎可以自己控制住個熟成度。牛肉外皮好脆，係調左味既吉列粉漿炸成，燒好的牛肉口感嫩滑，燒完鎖住左肉汁同油份，外脆內嫩。而且根本唔需要加醬油、鹽，只係加返d蒜蓉就好好味，屋企人都話有驚喜。〰️〰️〰️〰️〰️〰️〰️〰️〰️〰️〰️〰️〰️〰️〰️〰️霜降牛肉壽喜燒 ➰ $248牛肉打開好大塊，有4-5塊之多，肉質好，有牛味。壽喜燒的湯汁好清甜，所有材料最後吸晒壽喜燒湯汁入哂味。食完落個烏冬入去，好飽足。〰️〰️〰️〰️〰️〰️〰️〰️〰️〰️〰️〰️〰️〰️〰️〰️火炙蝶魚裙邊海膽丼 ➰ $168海膽海量地多，唔腥，新鮮。三文魚籽都係新鮮，蝶魚裙邊好有魚油味好滑鮮嫩。食完牛，石燒爐仲熱辣辣，就放左d 蝶魚裙邊去燒，點知更加好味，d 蝶魚裙邊好有焦香，d魚油仲咇哂出嚟。惹味！將所有材料一啖放入口，簡直係超好既配搭。〰️〰️〰️〰️〰️〰️〰️〰️〰️〰️〰️〰️〰️〰️〰️〰️芝士年糕 ➰ $168每次去日式餐廳都叫，都係一樣咁好味😋拉絲芝士加軟糯的年糕，好味。〰️〰️〰️〰️〰️〰️〰️〰️〰️〰️〰️〰️〰️〰️〰️〰️