野郎Stone Ya Rou Stone

營業中

休息中

今日返工悶到出汁，要醫治呢一種鬱悶嘅感覺，必須大啖大啖咁食高質素嘅牛扒發洩吓。今晚去到北角嘅一田超級市場，見到呢一間食鐵板，或者用蒸籠煮嘅牛扒，就坐低試吓。我揀咗300 gram嘅美國精選肉眼扒，再加$30轉套餐。呢一個肉眼扒，一上枱，就俾側邊嘅食客望住，因為佢實在太吸引。喺鐵板上面咋渣聲，肥膏同埋根部食落口係即刻溶化，而整塊牛肉厚度適中，每一口都係享受。喺薯蓉同埋白飯之間，我周旋咗好耐，最後揀咗白飯。而呢一個決定係明智嘅，因為呢一個白飯除咗好味之外，我仲可以話係貌相好靚，令我越食越開胃。我仲想講當晚服務嘅姐姐，態度好親切，佢成個人好開心，好誠懇，雖然好忙，但係都對每位客人照顧周到，而且充滿正能量，我都唔記得咗所有鬱悶嘅感覺，非常感謝佢嘅服務。