皇茶 (已結業)

第一次寫食評，因為太好飲了！食燒賣冇意中發現呢間飲品店。呢度既奶蓋茶，與其話係奶蓋，不如叫做cream cheese更合適。唔同一般台式奶蓋茶，呢度既奶蓋係有超香濃既芝士味，第一次飲超級驚喜。奶蓋茶有幾款配搭，我暫時試過朱古力、綠茶、阿薩姆茶同烏龍茶。朱古力就唔多啱我口味，因為個奶蓋本身已經好香濃，配朱古力就太留了。相反，奶蓋同烏龍茶簡直係絕配！茶味香同芝士香出奇地夾！我心水係奶蓋桃香烏龍茶阿薩姆都係一個唔錯既選擇。其實佢門口仲有牛根丸賣，個樣好似幾辣，下次再去試。