Kremaro (已結業)

今日喺銅鑼灣見到有一架好特別既咖啡車，有個寫住Kremaro既綠色走馬燈，車身主要係鋁既感覺，幾modern幾有style。佢主要賣咖啡為主，但都有小少量輕食，例如bagel, cookies等，佢仲可以即場幫你翻熱，等你可以飲住咖啡，食點甜食。注意呢架咖啡車不設座位，只有少少企位。 🥯抹茶草莓夾心貝果（$32，9.2／10）外型討好！超級好味！抹茶creamcheese超濃既抹茶味，草莓creamcheese又超fresh既草莓味，一甘一酸配合得好好，仲有creamcheese既咸甜味，天衣無縫！另外，貝果焗完之後外脆內軟，好好食！😋 🥯可可布朗尼夾心貝果（$38，9.2／10）朱古力控一定中意食呢個😈！佢有三款口感，朱古力貝果的煙靭，朱古力creamcheese既細滑加埋brownie既蛋糕質感，真係好好食！強烈推介。 ☕️Jacob Mocha（$52，9／10）聖誕限定咖啡！積及橙咖啡！老闆話係細個童年回憶，好中意食積及朱古力橙餅，所以設計左杯橙同朱古力味咖啡！飲落十分之有驚喜！有橙味但又唔會太搶，咖啡好滑好香，奶泡亦都打得好細密。好好味好特別！我都開始懷念呢種味道。