影片
更多
2021-08-28
1082 瀏覽
🌟米芝蓮一星星級扒房 食物同服務質素絕對5**位於文華酒店一樓嘅grill+bar 空間感十足 環境瑰麗🌹 燈光昏暗有情調🕯 梳化座椅寬敞舒適仲有轆💺 座位隔離仲有個箱仔比你放👜🛍️ 好貼心 最欣賞佢天花板嘅設計 係用酒店扇形標誌砌成 好靚好有代表性💯用匯豐信用卡有買一送一優惠💳 $1680就可以享用到文華扒房經典名菜classic 5-course tasting menu x2(未計加一服務費)📔 如果想品嚐埋呢度嘅signature dish威靈頓牛扒🥩 需要另加$498二人份 記得48小時前pre-order啊🕰 餐廳會打黎confirm booking嘅時候問埋需唔需要為你預訂📞 唔好以為得5個course就唔夠飽 食完絕對係飽到要解開褲頭🩳 捧著個大肚腩走˜”*°•𝐻𝑜𝓊𝓈𝑒-𝓂𝒶𝒹𝑒 𝒮𝒶𝓁𝓂𝑜𝓃•°*”˜自家製煙三文魚🐟 有一架特製嘅餐車 上面放左原條煙三文魚扒同唔同嘅配料 staff會喺你面前即席處理🤵🏻♂️三文魚好大片 肉厚身 唔霉唔腥 唔會太鹹 但煙燻味亦唔太重🍣 經典配搭有 香蔥 洋蔥🧅 蛋黃 蛋白🥚 同酸豆 旁邊仲有用紗布包住嘅檸檬🍋 好貼心 不過就令我諗起th
位於文華酒店一樓嘅grill+bar 空間感十足 環境瑰麗🌹 燈光昏暗有情調🕯 梳化座椅寬敞舒適仲有轆💺 座位隔離仲有個箱仔比你放👜🛍️ 好貼心 最欣賞佢天花板嘅設計 係用酒店扇形標誌砌成 好靚好有代表性💯
用匯豐信用卡有買一送一優惠💳 $1680就可以享用到文華扒房經典名菜classic 5-course tasting menu x2(未計加一服務費)📔 如果想品嚐埋呢度嘅signature dish威靈頓牛扒🥩 需要另加$498二人份 記得48小時前pre-order啊🕰 餐廳會打黎confirm booking嘅時候問埋需唔需要為你預訂📞 唔好以為得5個course就唔夠飽 食完絕對係飽到要解開褲頭🩳 捧著個大肚腩走
˜”*°•𝐻𝑜𝓊𝓈𝑒-𝓂𝒶𝒹𝑒 𝒮𝒶𝓁𝓂𝑜𝓃•°*”˜
自家製煙三文魚🐟 有一架特製嘅餐車 上面放左原條煙三文魚扒同唔同嘅配料 staff會喺你面前即席處理🤵🏻♂️三文魚好大片 肉厚身 唔霉唔腥 唔會太鹹 但煙燻味亦唔太重🍣 經典配搭有 香蔥 洋蔥🧅 蛋黃 蛋白🥚 同酸豆 旁邊仲有用紗布包住嘅檸檬🍋 好貼心 不過就令我諗起thai massage個herbal ball😂
˜”*°•𝒮𝓉𝑒𝒶𝓀 𝒯𝒶𝓇𝓉𝒶𝓇𝑒 🐮🌱•°*”˜
呢度嘅生牛肉他他酸瓜味比較重🥒就咁食感覺會比較膩🥖 配埋旁邊嘅sourdough食就啱啱好
˜”*°•𝐿𝑜𝒷𝓈𝓉𝑒𝓇 𝐵𝒾𝓈𝓆𝓊𝑒🦞🥣•°*”˜
龍蝦湯有驚喜 可能係我飲過最好飲嘅龍蝦湯🦞 飲嘅時候有少少杏霜嘅味道 令個湯更有層次 蝦味濃郁口感creamy 唔係死鹹嗰種罐頭味🥫 龍蝦肉雖然細粒 但份量都多 而且肉質紮實 有海鮮鮮味 好好飲 十分推介👍🏻 上菜嘅時候staff會將龍蝦湯淋上龍蝦肉同tarragon cream度 高級感🆙
˜”*°•𝐵𝑒𝑒𝒻 𝒲𝑒𝓁𝓁𝒾𝓃𝑔𝓉𝑜𝓃🐮•°*”˜
重頭戲 全晚最期待嘅威靈頓牛 Staff會喺你面前切開金黃色嘅威靈頓牛扒 動作優雅俐落🔪 一打開就見到入面粉嫩粉嫩 美美的粉紅色賣相一流💖 牛柳生熟程度perfect💯 肉質超級鮮嫩軟熟 有牛味 一啲血水都冇 外層酥皮金黃酥脆🥧 厚薄適中 酥皮同牛冇分離 冇甩皮甩骨 中間嘅parma ham 鴨肝蘑菇醬塗抹平均 每一淡都食到肝醬同菌香 基本上唔需要個汁同黃芥末都已經非常夠味 十分優秀👍🏻
˜”*°•𝒮𝑜𝓊𝒻𝒻𝓁é•°*”˜
梳乎厘有四種口味 分別係70%chocolate🍫 vanilla🌱 rhubarb & strawberry🍓 同呢度最出名嘅 ginger & grand marnier🥃
每個souffle都配有一羹雪糕 朱古力梳乎厘賣相超美 入面係帶流心嘅朱古力醬 味道超級超級濃郁 但對唔好甜品黎講嘅我 70%都實在太甜 而薑味梳乎厘感覺就好似食緊薑汁燉蛋咁 個雪糕亦好重酒味 兩款梳乎厘口感都係偏實在 唔係十分空氣感嗰種
張貼
