譚仔雲南米線 (永光中心)

營業中

休息中

好耐冇食譚仔，今日特登同女朋友過去食。 我哋叫腩肉米線10小辣, 雞肉米線十小辣， 同埋一碟皮蛋。 首先我想講個湯底方面， 其實雞肉米線係會鮮甜啲， 至於腩肉嗰個湯底雖然都係十小辣， 但係會比較鹹味重啲， 冇咁鮮甜。 雞肉比較碎， 有少少難夾。 但係呢度嘅 姨姨嬸嬸侍應非常之有禮貌同埋好人， 服務都好周到。 最後不得不提嗰個皮蛋， 有芫茜響上面， 加埋隻皮蛋本身係流心， 一擺落口個蛋黃係即刻流動即刻溶化， 真係食極都唔會厭， 在不少少皮蛋嘅芫茜同埋辣椒油落去自己碗湯麵到嘅話， 更加會生色不少。