茶匠 清水一芳園 (已結業)

在香港同樣可以食到好味日本出品Cake。 店員好nice, 店鋪裝飾平易近人，好整潔，其價錢合理。今次試食左以下幾款cake的次序:1)抹茶味卷，係我的最愛，因為本人是抹茶控。抹茶味香濃的cream當中同時有清甜的紅豆蓉。蛋糕散發濃厚的抹茶味，其質感好實在，口感一流。2)北海道牛奶卷， cream的牛奶味非常濃郁當中帶有奶的自然甜度，非常好味。 蛋糕比抹茶卷軟， 所以口感好流， 其實都係好好食。3) 北海道牛奶Chocolate 卷，cream 好味料好足夠。 蛋糕面上散滿chocolate 粉，好香，甜度好到位，可以一口氣食哂頭兩件cake 後再食佢都會覺得佢好食。4) 泡芙: 有北海道牛奶味同抹茶味兩種。泡芙皮好鬆脆，重有一層薄薄的脆糖。當中的cream涵真係好好味同足料到無朋友呀！5)芝士蛋糕 : 同樣係有北海道牛奶味同抹茶味兩種。底部的芝士層好濃厚，但不會蓋過其上層的牛奶或抹茶蛋糕布丁層，真係好好好食。總結每款口味的cake都好味到令人食唔停口，下次一定再來買。另外還有其他 日本出品的小食同花茶，下次都會買番去試下。