影片
更多
2024-12-03
248 瀏覽
夜晚突然有啲想食點心，於是去左試銄晶館，主打一系列點心同蒸飯，聽講個主廚仲相當有料。鋪頭都有幾多款點心可以揀，今次揀左一個蒸飯同四款點心。雜果沙律卷 – 吉列外皮包住雜果沙律，相當邪惡，入口外脆內香甜，雜果嘅分量都相當多。炸腐皮卷 – 腐皮包住蔬菜，相當香口，一咬落去熱辣辣脆卜卜，肯定係新鮮炸起，唔錯！小籠包 – Size都幾大個，師傅好聰明喺包底加一塊瓜，令到個包唔會痴住張紙。個皮薄得嚟亦都唔易穿，一咬就流左好多湯汁出嚟，好高質！山竹牛肉 – 都幾大件，牛肉同芫茜比例都相當好，肉質都好軟腍。白鱔蒸飯 – 蒸飯用荷葉包住，吸收左荷葉香氣，而白鱔亦都充滿魚香，加埋豉油食好暖胃！兩個人叫五樣食到勁飽，下次帶埋長輩嚟食先！
鋪頭都有幾多款點心可以揀，今次揀左一個蒸飯同四款點心。
雜果沙律卷 – 吉列外皮包住雜果沙律，相當邪惡，入口外脆內香甜，雜果嘅分量都相當多。
炸腐皮卷 – 腐皮包住蔬菜，相當香口，一咬落去熱辣辣脆卜卜，肯定係新鮮炸起，唔錯！
小籠包 – Size都幾大個，師傅好聰明喺包底加一塊瓜，令到個包唔會痴住張紙。個皮薄得嚟亦都唔易穿，一咬就流左好多湯汁出嚟，好高質！
山竹牛肉 – 都幾大件，牛肉同芫茜比例都相當好，肉質都好軟腍。
白鱔蒸飯 – 蒸飯用荷葉包住，吸收左荷葉香氣，而白鱔亦都充滿魚香，加埋豉油食好暖胃！
兩個人叫五樣食到勁飽，下次帶埋長輩嚟食先！
張貼
