CHIMAC (香港科學園)

營業中

休息中

疫情關係，日日都在家煲韓劇。見到d男女主角响度食炸雞，攪到我都好想食。老公話之前在觀塘做嘢，見到間做外賣炸雞，好唔錯。佢睇過呢間店原來有沙田都有，仲係堂食添，然後佢就帶左我黎呢度。呢間炸雞店地方好大，木系裝修好優雅。環境乾淨，坐位寬闊，坐得好舒服。打開menu，有好多炸雞呀。我哋就叫左個半半口味韓式炸雞同埋芝士排骨鍋，另外仲有兩罐汽水。罐裝飲品都係韓式，我就飲蘆薈樂。唔鐘意韓式飲品，都有可樂揀。半半口味韓式炸雞可以揀兩款唔同味道，份量超多，睇到勁開心。蜂蜜焦糖炸雞甜甜地，好似戲院食蜜糖爆谷果種味道。而莎莎菠蘿醬炸雞就帶蒜味，有甜甜菠蘿味，兩款炸雞粉漿厚薄適中，咬落脆，有口感，剛炸起熱辣辣，香口，食唔停口。再黎個芝士排骨鍋，賣相超豐富，下面有個爐keep住溫度，可以慢慢食，唔會凍晒。職員幫我哋撈勻，然後再剪開。芝士溶左去排骨度，拉晒絲，見到都好想食。排骨啖啖肉，有BBQ醬汁，同芝士一齊食味道好夾。除左排骨係主菜，邊旁仲炸雞腿肉、紫菜粉絲卷、紫菜飯、粟米芝士、韓式餃子，另外仲有韓式泡菜，每樣嘢都好好食，滿足晒樣樣都想食d嘅願望。