水記 (已結業)

今日大發現……想食雞亦尖，唔洗入到元朗。葵廣呢間嘅雞翼尖，可以選擇小辣、中辣、大辣。雞翼尖炆得好入味，而且蒜香味好濃厚。好似就咁單叫雞亦尖，有大/中/細份選擇。$26，可以食到豬紅+雞翼尖+蘿蔔。豬紅同蘿蔔都炆得好入味，好腍，唔會太硬，而且可以選擇唔辣。$10/12粒炸椒鹽燒賣😂初時有啲抗拒，因為覺得好奇怪，但食落去出奇地覺得好味。炆豬手，呢個唔話得，真心好食，好夠味，價錢唔貴又大件。不過，可以炆耐多少少，個人覺得豬手越腍越好食。