影片
更多
2024-12-28
568 瀏覽
牛油果香芒烤雞沙律配日式胡麻醬：超鍾意！牛油果同香芒真係best friend嚟，好夾！口感好滑～烤雞肉質又好嫩滑，加埋胡麻醬嘅香味，輕盈又好味。意大利風乾火腿蜜糖柚子薄餅：風乾火腿鹹香，蜜糖柚子嘅甜酸味道中和咗火腿嘅鹹味，食落口感豐富，好有層次。紅酒燴牛面肉伴薯蓉同烤澳洲西蘭花：好有驚喜呀！牛面肉燉得好入味，紅酒嘅香氣滲透晒落牛面肉度，薯蓉又夠晒綿密，西蘭花烤得啱啱好兼索晒啲肉汁，prefect!!是拉差醬雞翼：好惹味！雞翼炸得外脆內嫩，是拉差醬嘅辣味唔會太過火，啱啱夠刺激味蕾，食到停唔到口。覆盆子朱古力慕斯聖誕帽：聖誕節前夕嚟食，見到呢個新甜品好靚！慕斯入口即溶，香濃朱古力同帶有酸甜味嘅覆盆子完美結合，甜而不膩。焙茶心太軟流心蛋糕配Haagen-Dazs雪糕（冧酒提子）：必叫！！焙茶心太軟一切開就湧出朱古力醬，焙茶味好香，輕輕中和朱古力嘅甜度，夾到不得了！再加埋Haagen-Dazs嘅冧酒提子雪糕，真係超好味！冰梨無花果白桃烏龍芝士奶蓋、芒果茉莉茶忌廉芝士奶蓋：兩款飲品都好特別，冰梨無花果白桃烏龍芝士奶蓋嘅果香同烏龍茶嘅清香好夾，飲落唔會太甜。芒果茉莉茶忌廉芝士奶蓋嘅芒果好香甜，茉
牛油果香芒烤雞沙律配日式胡麻醬：
超鍾意！牛油果同香芒真係best friend嚟，好夾！口感好滑～烤雞肉質又好嫩滑，加埋胡麻醬嘅香味，輕盈又好味。
意大利風乾火腿蜜糖柚子薄餅：
風乾火腿鹹香，蜜糖柚子嘅甜酸味道中和咗火腿嘅鹹味，食落口感豐富，好有層次。
紅酒燴牛面肉伴薯蓉同烤澳洲西蘭花：好有驚喜呀！牛面肉燉得好入味，紅酒嘅香氣滲透晒落牛面肉度，薯蓉又夠晒綿密，西蘭花烤得啱啱好兼索晒啲肉汁，prefect!!
是拉差醬雞翼：
好惹味！雞翼炸得外脆內嫩，是拉差醬嘅辣味唔會太過火，啱啱夠刺激味蕾，食到停唔到口。
覆盆子朱古力慕斯聖誕帽：
聖誕節前夕嚟食，見到呢個新甜品好靚！慕斯入口即溶，香濃朱古力同帶有酸甜味嘅覆盆子完美結合，甜而不膩。
焙茶心太軟流心蛋糕配Haagen-Dazs雪糕（冧酒提子）：
必叫！！焙茶心太軟一切開就湧出朱古力醬，焙茶味好香，輕輕中和朱古力嘅甜度，夾到不得了！再加埋Haagen-Dazs嘅冧酒提子雪糕，真係超好味！
冰梨無花果白桃烏龍芝士奶蓋、芒果茉莉茶忌廉芝士奶蓋：
兩款飲品都好特別，冰梨無花果白桃烏龍芝士奶蓋嘅果香同烏龍茶嘅清香好夾，飲落唔會太甜。
芒果茉莉茶忌廉芝士奶蓋嘅芒果好香甜，茉莉茶味道清新，兩者融合得好好，兩款都值得一試。
張貼
