Antoshimo Cafe & Bakery (Mikiki) (已結業)

柚子炸雞柚子醬添加左炸雞既清新，不過個雞有炸得有少少太乾，雞下面有少少洋蔥同埋粟米櫻花蝦湯烏冬個湯底有少少辣，蝦味都幾香， 不過個湯底嘅濃稠度唔會話太傑，其實係偏稀，佢用左扁烏冬， 所以會比較掛湯，正！Lunch 既時候，套餐有送一個雪糕 donut，個雪糕冬甩係成餐飯嘅重點！冬甩係新鮮炸起，外脆內軟，仲有啲煙韌添！ 個雪糕係普通既雲呢拿雪糕，加埋同埋紫薯蓉， 冷熱交融，直就係絕配！ 呢間真係好多人食，之後發現原來有得訂位！建議大家book定位先好黎！